Yaad Poetry

Rukta bhi nahi, teekh say chalta bhi nahi
Yai dil hay k teray baad sambhalta bhi nahi
Es umar ki sahra say teri yaad ka badal
Talta bhi nahi or barasta bhi nahi...

---------

Sun li jo Khuda nay wo dua tum to nahi ho

Darwazay pay dastak ki sada tum to nahi ho

Simtti hoi sharmai hoi rat ki rani

Soi hoi kaliyon ki haya tum to nahi ho

Mehsoos kiya tum ko to geeli hoin palkian

Bheegey hoye mosam ki adda tum to nahi ho

In ajnabi raahon may nahi koi bhi mera

Kis nay mujhay yun apna kaha tum to nahi ho...

-------------

Tum bhoolna chaho gay tu yaad aonga main

Aankhon mein ashk chupaogay tu yaad aaonga main

Mein hi chun laita tha palkoon say tumhare ansoon

Tum kabhi ashk bahao gay tu yaad aoonga main...

----------------

Teri hi yaadon main, main apna naam bhool jata hon

Milna tha kis ko, sabhi main kaam bhool jata hon

Barri mushkil si hoti hay wapis hosh main anay ko

Kab sona kab jagna, subah say shaam bhool jata hon...

--------------------

Dheeray say sarakkti hay raat us kay anchal ki tarah

Uska chehra nazar aata hay jheel main kanwal ki tarah...

----------------

Tum mano ya na mano 

Aj bhohat kami si hay tum bin

Na rang na roshni hay tum bin

Wakt apni raftaar say chal raha hay

Bas dharkan thami si hay tum bin

Na barish hay na dhuwaan

Phir bhi dill main tapish si hay tum bin

Bhohat roka ha badal ko barasnay say

Phir bhi ankhon may nami si hay tum bin

Tum mano ya na mano

Aj bhohat kami si ha tum bin...

---------------

Khud ko khud say humkalam kar kay deikhna

Kitna mushkil hay ye kaam kar kay deikhna

Kis qaddar udaas guzarti hain meri shamain

Yaad kisi ko kisi shaam kar k deikhna

------------

Khushioun ki shaam or yaadon ka ye sammaa

Apni palkon pay hargiz sitaray na lain gain

Rakhna sanbhal kar chandd khushiaan meray liye

May loat aaoun ga to Eid manain gain

------------

Teri yaad ki wo nishaniaan hain ja baja beikhri hoin

Unhnay rook lon unhnay thaam lon teri zaat phir say samait lon 

Kia yahi mera ab naseeb hay, jo ha ajnabi wo qareeb hay

Manga jisay wo mila nahi , rahi piyar ki yahi reet hay...

----------

Kon poochta hay pinjray main band panchion ko “Mohsin”

Yaad wohi atay hain jo urr jatay hain...

--------------

Ae waqt zara to tham ja

Mujhe yaad kisi ko kernay day

Mujhe piyar hay ek sangdil say

Jo koi baat mujhay na karnay day

Na apny paas wo anay day

Na khud say door wo janay day

Na dill ko apnay pas rakhay

Na aur kisi ka honay day

Har waqt mujhe wo yaad aaye

Phir dill say ek aawaz aaye

Ye kaisi chahat hay us ki

Jo jeenay day na marnay day

-------------