Aao DECEMBER ko rukhsat karein
Kuch Khushiyon ko sambhaal kar
Kuch ansuon ko taal kar
Jo lamhy guzray chahaton main
Jo pall beetay rafakaton main
Kabhi waqt kay saath chaltay chaltay
Jo thak kay rukay raaston main
Kabhi Khushiyon ki Umeed mili
Kabhi bichartay huon ki deed mili
Kabhi bay panah muskura diya
Kabhi hanstay hanstay ro diya
In saaray Lamhon Ko
Ab mukhtasir karain
Aao kay DECEMBER ko rukhsat karain
No comments:
Post a Comment