Inkaar jaisi lazzat

Inkaar jaisi lazzat iqraar main kahaan

Barhta raha ishq ghalib, uski nahi nahi say..

Har shaks say ulfat ka

Har shaks say ulfat ka iqraar nahi hota

Har chehray se kabhi dil ko pyar nahi hota

Jo rooh ko choo jaye, jo dil mai utar jaye 

Us ishq ka lafzo main kabhi izhaar nahi hota

Us ki chahat kay do lamhay

Us ki chahat kay do lamhay jaan lewa thay

Pehla mohabbat ka iqrar dusra mohabbat say inkar

Iqraar kay muqaam say pehlay

Iqraar kay muqaam say pehlay muqqar gaya

Takraar kar raha tha, mohabbat kay bawajood

Jaisi hay teri tamanna waisay piyaar krain gain

Jaisi hay teri tamanna waisay piyaar krain gain

Har dhadkan par apni wafa ka Ikraar krain gain

Jaha bhi jao gay har qaddam humay hi pao gay

Ishq kay har morr par tera intezaar krain gain

Wo anna parast sahi uski baton main ikrar bhi tha

Wo anna parast sahi uski baton main iqraar bhi tha

Uskay chubhtay huway lahjay main chupa piyar bhi tha

Wo mujhay likhta hay k muntazir na rahon lekin

Us ki tehreer main sadiyon ka intizar bhi tha

Wo kehta hay mat rutho kay mananna nahi ata

Meri narazgi pay lekin wo bay qaraar bhi tha

Sirf lafzon say iqraar hota nahi

Sirf lafzon say iqraar hota nahi

Ek janib say hi piyaar hota nahi

Main tumhain yaad rakhnay ki khaon kasam

Tum mujhko na bhulanay ka wadda karo